Սոցցանցերում հրապարակված տեսագրությունները հաստատել են Բերձորի Սուրբ Համբարձման եկեղեցին, հավանաբար, մզկիթի վերածելու մասին` դեռևս 2022 թվականին առաջացած հիմնավոր կասկածները, հայտնում է Արցախի մշակութային ժառանգության պաշտպանության Պետխորհուրդը։
Նշվում է, որ Ադրբեջանի` պետական մակարդակով հայկական ժառանգության ոչնչացման քաղաքականության ևս մեկ դրսևորման ապացույցներ են հասանելի դարձել։
«Այժմ եկեղեցին շրջափակված է քողարկիչներով, իսկ տարածքում, ըստ երեւույթի, կատարվում կամ կատարվելու են շինարարական աշխատանքներ։ Մինչ այդ հրապարակված նախագծից պարզ է դառնում, որ եկեղեցին կվերածվի մզկիթի` երկու մինարեթներով»,–ասվում է գրառման մեջ։