Ռուսաստանաբնակ հայազգի թենիսիստ Կարեն Խաչանովը և ռուս թենիսիստ Անդրեյ Ռուբլյովըբարեգործական խաղ կանցկացնեն, որի հասույթը կտրամադրվի արցախահայությանը:
Բարեգործական խաղը կկայանա ԱՄՆ Լոս Անջելես քաղաքում, մարտի 16-ին: Այս մասին ասվում է Հայ Մարմնակրթական Ընդհանուր միության Գլենդելի «Արարատ» մասնաճյուղի կայքում, որն էլ նախաձեռնության հեղինակն է, հայտնում է Panorama.am-ը։
«Անդրեյ Ռուբլևը միանում է Կարեն Խաչանովի հետ «Արարատ-Խաչանով» թենիսի ցուցադրական մրցախաղի դրամահավաքին։ Հասույթի մի մասն ուղղվում է արցախահայությանը»,- նշված է կայքում։
2023–ին ևս Կարեն Խաչանովը Կալիֆոռնիայում մասնակցել է բարեգործական ակցիայի և ցուցադրական հանդիպում անցկացրել՝ ի աջակցություն Արցախի։