Ռուսաստանը չի պատրաստվում ճանաչել Լեռնային Ղարաբաղի անկախությունը
Պաշտոնական Մոսկվան չի ծրագրում ճանաչել Լեռնային Ղարաբաղը որպես անկախ տարածաշրջան: Այդ մասին Պրահայում Հայաստանի եւ Ադրբեջանի նախագահների հանդիպումից հետո հայտարարել է ԵԱՀԿ Մինսկի խմբի ռուս համանախագահ Յուրի Մերզլյակովը: Նրա խոսքերով, բացառված չէ, որ միջնորդ-երկրների նախագահները կմասնակցեն Լեռնային Ղարաբաղի հակամարտության խաղաղ կարգավորման բանակցային գործընթացի հաջորդ փուլին, հաղորդում է «Նովոստի-Ադրբեջանը»:
Նախորդ հանդիպումը կայացել էր Ցյուրիխում այս տարվա հունվարի 28-ին: Նախագահների առաջին հանդիպումը տեղի էր ունեցել անցյալ տարվա հունիսին Սանկտ-Պետերբուրգում, երկրորդը` անցյալ տարվա նոյեմբերի վերջին Մոսկվայում: Ենթադրվում է, որ Սարգսյան-Ալիեւ հերթական հանդիպումը տեղի կունենա հունիսի սկզբին Սանկտ-Պետերբուրգում:
Նախորդ հանդիպումը կայացել էր Ցյուրիխում այս տարվա հունվարի 28-ին: Նախագահների առաջին հանդիպումը տեղի էր ունեցել անցյալ տարվա հունիսին Սանկտ-Պետերբուրգում, երկրորդը` անցյալ տարվա նոյեմբերի վերջին Մոսկվայում: Ենթադրվում է, որ Սարգսյան-Ալիեւ հերթական հանդիպումը տեղի կունենա հունիսի սկզբին Սանկտ-Պետերբուրգում:
