Վարչապետ Նիկոլ Փաշինյանը շնորհավորական ուղերձ է հղել Վլադիմիր Պուտինին՝ Ռուսաստանի Դաշնության նախագահի պաշտոնում վերընտրվելու առիթով:

Ուղերձում ասված է. «Հարգելի Վլադիմիր Վլադիմիրի, ընդունեք շնորհավորանքներս Ռուսաստանի Դաշնության նախագահի պաշտոնում վերընտրվելու առթիվ։

Հուսով եմ, որ երկկողմ հետաքրքրություն ներկայացնող բոլոր ոլորտներում երկխոսությունը կզարգանա՝ ի շահ Հայաստանի և Ռուսաստանի ժողովուրդների։ Մաղթում եմ Ձեզ, հարգելի Վլադիմիր Վլադիմիրի, առողջություն, երջանկություն և հետագա հաջողություններ Ձեր գործունեության մեջ»։

ԿԸՀ նախնական տվյալներով, ՌԴ գործող նախագահ Վլադիմիր Պուտինը ձայների ավելի քան 87․32 %-ով հաղթել է նախագահական ընտրություններում։ Մասնակցությունը ընտրություններին եղել է ռեկորդային և, հաշվի առնելով առցանց քվեարկությունը, կազմել է 74%։