ՀՀ ԱԺ պատվիրակությունը չի միացել ՀԱՊԿ ԽՎ-ի՝ «Կրոկուսում» ահաբեկչությունը դատապարտող հայտարարությանը
Հայաստանը չի միացել ՀԱՊԿ Խորհրդարանական վեհաժողովի՝ «Կրոկուս Սիթի Հոլլում» տեղի ունեցած ահաբեկչությունը դատապարտող հայտարարությանը, քանի որ ՀՀ-ն սառեցրել է իր անդամակցությունը ՀԱՊԿ-ում։ Այդ մասին հայտնել է ԱԺ մամուլի քարտուղար Նելլի Ղուլյանը, տեղեկացնում է «Փաստինֆոն»։
«Հայաստանը սառեցրել է անդամակցությունը ՀԱՊԿ-ում։ ՀԱՊԿ-ի կողմից առաջարկ եղել է հայկական կողմին, մենք մերժել ենք»,- նշել է Ղուլյանը։
Աժ նախագահ Ալեն Սիմոնյանը և փոխնախագահ Հակոբ Արշակյանն ավելի վաղ դատապարտել էին մերձմոսկովյան «Կրոկուս Սիթի Հոլլում» տեղի ունեցած ահաբեկչությունը, որը 140 մարդու կյանք է խլել։
Վարչապետ Նիկոլ Փաշինյանը հայտարարել է, որ Հայաստանը սառեցրել է իր մասնակցությունը ՀԱՊԿ–ին։
