8 մայիսի 2009 - 13:42 AMT
Մոսկվայում հույսեր են կապում ղարաբաղյան հակամարտության կարգավորման գործընթացի առնչությամբ
Հայաստանի եւ Ադրբեջանի նախագահներ Սերժ Սարգսյանն ու Իլհամ Ալիեւը, ինչպես նախատեսվում է, Սանկտ-Պետերբուրգում կայանալիք հանդիպման ընթացքում կքննարկեն Լեռնային Ղարաբաղի հակամարտության կարգավորման հեռանկարները: «Նրանք եւս մեկ հանդիպման հանարավորություն կունենան սանկտ-պետերբուրգյան տնտեսական համաժողովի շրջանակներում», - ուրբաթ օրն ասել է Ռուսաստանի ԱԳՆ ղեկավար Սերգեյ Լավրովը` ելույթ ունենալով Վաշինգտոնի Կարնեգի կենտրոնում: Նրա խոսքերով, Մոսկվայում հույսեր են կապում ղարաբաղյան հակամարտության կարգավորման գործընթացի առնչությամբ: «Մենք բավականին լավատեսորեն ենք վերաբերվում խնդրի կարգավորման հեռանկարներին», -նշել է նա, հաղորդում է Ինտերֆաքսը: