Ադրբեջանի նախագահի օգնական, արտաքին քաղաքականության հարցերի բաժնի վարիչ Հիքմեթ Հաջիևն ադրբեջանական «Ազերթաջ» գործակալության հետ զրույցում հայտարարել է, որ Ադրբեջանի և ՌԴ ղեկավարությունը ԼՂ–ից ռուս խաղաղապահների վաղաժամ դուրսբերման որոշում է կայացրել։
«Երկու երկրների բարձրագույն ղեկավարությունը որոշում է կայացրել մեր երկրի տարածքում ժամանակավորապես տեղակայված ռուս խաղաղապահների վաղաժամ դուրսբերման մասին՝ ըստ 2020 թվականի նոյեմբերի 10-ին ստորագրված եռակողմ հայտարարության։ Գործընթացն արդեն սկսվել է։
Ադրբեջանի և Ռուսաստանի պաշտպանության նախարարությունները ձեռնարկում են անհրաժեշտ միջոցներ որոշումը կյանքի կոչելու համար»,- ասել է Հաջիևը։
Ավելի վաղ լուրը հաստատել էր ՌԴ նախագահի մամուլի խոսնակ Դմիտրի Պեսկովը;
Ավելի վաղ ադրբեջանական լրատվամիջոցները հայտնել էին, որ ռուս խաղաղապահներն ու ռազմատեխնիկան հեռացել են Դադիվանքից, որտեղ տեղակայվել է ադրբեջանական ոստիկանությունը։