Հայաստանի շրջափակումը Թուրքիայի կողմից Հայաստանին տարեկան հասցնում է 500 միլիոն դոլարի չափով վնաս: Այդ մասին ասվել է ՀՀ խորհրդարանի նախագահ Արմեն Խաչատրյանի եւ Գերմանիայի Բունդեսթագի պատգամավոր Իրմգարդ Շվեյցի հանդիպմանը: Հայաստանն իր արտաքին քաղաքականության մեջ ղեկավարվում է բոլոր երկրների հետ բարեկամական հարաբերությունների պահպանման ձգտմամբ` հատկապես հարեւան երկրների հետ, ընդգծել է Հայաստանի խորհրդարանի խոսնակը: Կողմերը հաստատել են, որ տարածաշրջանի երկրների միջեւ տնտեսական կապերի կարգավորումը եւ ներգրավումը միջազգային տնտեսական ծրագրերում կաջակցի հակամարտությունների վերացմանը Հարավային Կովկասում: Լրատվության արտատպելու կամ օգտագործելու դեպքում հղումը "PanARMENIAN.Net"-ի վրա պարտադիր է: