Կոստանյան. «Երևանի ավտոբուս» ՓԲԸ-ում 6 ամսում 167 վարորդ ազատվել է աշխատանքից
«Երևանի ավտոբուս» ՓԲԸ-ում հունվարի 1-ից մինչև հունիսի 30-ն ընկած ժամանակահատվածում 167 վարորդ ազատվել է աշխատանքից: Այդ մասին ֆեյսբուքյան իր էջում հայտնել է քաղաքապետի մամուլի խոսնակ Հայկ Կոստանյանը։
«Ազատման պատճառներից են քաղաքացիների հանդեպ ոչ պատշաճ վերաբերմունքը, երթևեկության ընթացքում թույլ տված պարբերական խախտումները, ինչպես նաև ծառայողական այլ խնդիրներ»,-ասվում է գրառման մեջ։
Ավելի վաղ հայտնի դարձավ, որ մեծ պաստառներով զբոսաշրջային միկրոավտոբուսները, որոնք կայանած են մայրաքաղաքի տարբեր փողոցներում, կհեռացվեն:
