Շվեյցարիայի հայերը Վրաստանի իշխանություններից պահանջել են ազատ արձակել Վահագն Չախալյանին
2009թ. մայիսի 11-ին Շվեյցարիայի հայ համայնքի ներկայացուցիչներ` Շվեյցարիայի հայոց հոգեւոր հովիվ Աբել քհն. Մանուկյանը, Արմենիա հիմնադրամի նախագահ Վահե Գաբրաշը, Շվեյցարիայի հայերի միության նախագահ Զարեհ Քյուրքչյանը եւ նույն միության անդամ` Կարո Թորոսլուն հանդիպում ունեցան Շվեյցարիայում Վրաստանի դեսպան Գիորգի Գորգիլաձեի հետ:Այդ մասին PanARMENIAN.Net- ին հաղորդեցին «Երկիր» միությունից: Հանդիպման ընթացքում հայ համայնքի ներկայացուցիչներն իրենց մտահոգությունները հայտնեցին Սամցխե-Ջավախքում համախումբ բնակվող հայ բնակչության ներկա վիճակի, Վրաստանում Հայ Առաքելական Եկեղեցու իրավական կարգավիճակի եւ Միասնական Ջավախք ժողովրդավարական դաշինք-ի առաջնորդ Վահագն Չախալյանի նկատմամբ անարդար դատավճռի ընդունման կապակցությամբ: Վերջին խնդրի կապակցությամբ շվեյցարահայ համայնքի ներկայացուցիչները առաջ քաշեցին հետեւյալ պահանջները.հաստատել Վահագն Չախալյանի ֆրանսիացի փաստաբանին, դադրեցնել Վահագն Չախալյանի նկատմամբ բանտում բռնությունը, ազատ արձակել Վահագն Չախալյանին:
Պրն Գորգիլաձեն, իր հերթին, խոստացավ փոխանցել շվեյցարահայ համայնքի ներկայացուցիչների մտահոգություններն ու պահանջները վրաց իշխանություններին եւ սեղմ ժամկետներում պարզաբանումներ տալ ներկայացված խնդիրների վերաբերյալ:
Հանդիպման ավարտին շվեյցարահայ համայնքի ներկայացուցիչները հայտարարեցին, որ նրանք հետեւելու են իրավիճակին եւ ուշադիր են գտնվելու ջավախքահայության եւ վրացահայության ճակատագրին:
Պրն Գորգիլաձեն, իր հերթին, խոստացավ փոխանցել շվեյցարահայ համայնքի ներկայացուցիչների մտահոգություններն ու պահանջները վրաց իշխանություններին եւ սեղմ ժամկետներում պարզաբանումներ տալ ներկայացված խնդիրների վերաբերյալ:
Հանդիպման ավարտին շվեյցարահայ համայնքի ներկայացուցիչները հայտարարեցին, որ նրանք հետեւելու են իրավիճակին եւ ուշադիր են գտնվելու ջավախքահայության եւ վրացահայության ճակատագրին:
