ԵվրԱզԷս երկրների աձջակցության հակաճգնաժամային հիմնադրամն իր աշխատանքը կսկսի ԵվրԱզԷս անդամ պետությունների կառավարությունների ղեկիավարների կողմից դրա ստեղծման մասին համաձայնագրի ռատիֆիկացումից հետո երեք ամսվա ընթացքում, լրագրողներին հայտնել է ՌԴ փոխվարչապետ, ֆինանսների նախարար Ալեքսեյ Կուդրինը ԵվրԱզԷս ֆինանսատնտեսական քաղաքականության վերաբերյալ խորհրդի նիստից հետո:

Կուդրինը նշել է, որ այսօրվա հանդիպմանը ընդունվել են մի շարք որոշումներ, որոնց թվում` Եվրասիական ընկերակցության հակաճգնաժամային միջոցների ծրագիրը:

«Հաստատվել է հակաճգնաժամային հիմնադրամի ստեղծման մասին պայմանագրի նախագիծը»,- ավելացրել է Կուդրինը:

Նրա խոսքով, ԵվրԱզԷս-ի բոլոր երկրները, բացի Բելոռուսից, կողմնորոշվել են հիմնադրամում իրենց ներդրումների հարցում: Բելոռուսը պետք է որոշում ընդունի մինչեւ օրվա վերջը:

Ծրագրվում է, որ հիմնադրամի սկզբնական կապիտալը կկազմի 10 միլիարդ դրամ, որոնցից Ռուսաստանը կներդնի 7,5 միլիարդ դոլարը, Ղազախստանը` 1 միլիարդ դոլարը:

Չորեքշաբթի օրը կայացած հանդիպմանը ընդունվեց որոշում այն մասին, որ Ղրղզստանի ներդրումն այդ հիմնադրամի մեջ կկազմի 1 միլիոն դոլար, Թաջիկստանի ներդրումը` 1 միլիոն դոլար եւ Հայաստանի ներդրումը` նույնպես 1 միլիոն դոլար:

Կուդրինը ճշտել է, որ բոլոր միջոցները միաժամանակ չեն ներդրվելու հիմնադրամ:

Սկզբում հիմնադրամի մասնակիցները կներդնեն հայտարարված գումարների միայն 10%:

Մասնակից երկրներին հակաճգնաժամային վարկերի տրամադրման մասին որոշումներն ընդունելու է հիմնադրամի խորհուրդը, որի մեջ կմտնեն ԵվրԱզԷս-ի ֆինանսների նախարարները:

Բացի այդ, նիստին ընդունվել է որոշում ԵվրԱզԷս բարձր տեխնոլոգիաների կենտրոնի ստեղծման մասին:

Մոտ ժամանակներս ԵվրԱզԷս-ի պետությունները պետք է որոշեն կառավարող մարմինները, որոնք ներկայացնելու են իրենց այդ կենտրոնում, հաղորդում է ՌԻԱ Նովոստին: