Նաիրիտ կաուչուկի գործարանի հարեւանությամբ գտնվող Նաիրիտ-2 ձեռնարկությունում, որը զբաղվում է քիմիական տեխնոլոգիաների մաշկմամբ, հրդեհ է բռնկվել: Ինչպես PanARMENIAN.Net-ի թղթակցին հաղորդել է Հայաստանի ԱԻՆ փրկարարական ծառայության պետի խորհրդական Նիկոլայ Գրիգորյանը, 140 քառ. մ տարածքում այրվել է հաստկոցը:

Դրա հետ մեկտեղ «Նաիրիտ գործարան» ՓԲԸ մամլո քարտուղար Անուշ Հարությունյանը, պատասխանելով հրդեհի մասին հարցին, հայտնել է, որ «Նաիրիտ-2» ոչ մի ընդհանուր բան չունի «Նաիրիտ գործարան» ՓԲԸ-ի հետ:

Մայիսի 14-ին` տեղի ժամանակով մոտ 18:40-ին ,Նաիրիտի գործարանե ՓԲԸ-ում, որը մասնագիտացած է սինթետիկ կաուչուկի արտադրության վրա, երկու պայթյուն է տեղի ունեցել, որից հետո հրդեհ է բռնկվել: 15 րոպե անց պատահարի վայր է ժամանել 9 հրշեջ անձնակազմ:

Այրվել է աբսորբցիոն մեկ աշտարակ: Փրկարար ծառայության շնորհիվ հրդեհը լիովին մարվել է 23:00-ին: Արդյունքում զոհվել է 4 եւ վիրավորվել է 8 մարդ:

Պայթյունի փաստով երկու քրեական գործ է հարուցվել, պայթյունի պատճառները պարզվում են: