Համացանցում տարածված ադրբեջանական դրոշով մեքենայի վարորդը եղել է նոր զորացրված զինվոր, ով իրականում փորձել է քարշ տալ Ադրբեջանի դրոշը փողոցներով։ Այդ մասին ֆեյսբուքյան իր էջում հայտնել է փաստաբան Վարդուհի Սարգսյանը։
«Համացանցում տարածված ադրբեջանական դրոշով տրանսպորտային միջոցի տեսանյութի վարորդը եղել է նոր զորացրված հայ զինվոր, ով իրականում փորձել է քարշ տալ Ադրբեջանի դրոշը փողոցներով, սակայն սխալ ամրակապելու և քամու հետևանքով վերև է բարձրացել և սխալ ընկալվել»,- ասվում է գրառման մեջ։
Նրա խոսքով՝ նման դեպքերին հանրային արձագանքը կտրուկ է, քանի որ Հայաստանում իրականությունը կարող էր լրիվ այլ լինել։
Համացանցում տեսանյութ է տարածվել, թե ինչպես է մի մեքենա երթևեկում ճանապարհին՝ բեռնախցիկին Ադրբեջանի դրոշ։ ՆԳՆ մամուլի խոսնակ Նարեկ Սարգսյանը հայտնել էր, որ վարորդը տրանսպորտային միջոցով ներկայացվել է ոստիկանության Վաղարշապատի բաժին՝ իրավախախտման հանգամանքները պարզելու և ըստ այդմ համապատասխան վարույթ նախաձեռնելու հարցը քննարկելու նպատակով:
