Հանրապետության տարածքում մարտի 19-22-ը բազմաթիվ շրջաններում դիտվելու են տեղումներ, իսկ լեռնային գոտիներում՝ գիշերային ժամերին, կտեղա ձյուն։ Մարտի 19-22-ին առանձին վայրերում տեղումները կլինեն առատ, հայտնում է Հիդրոօդերևութաբանության և մոնիտորինգի կենտրոնը։

Քամին կունենա հարավարևմտյան ուղղություն՝ 2-5 մ/վ արագությամբ։ Մարտի 19-ի ցերեկը, ինչպես նաև 20-21-ին որոշ հատվածներում քամու ուժգնությունը կբարձրանա՝ հասնելով 15-19 մ/վ։

Օդի ջերմաստիճանը մարտի 19-23-ին, հատկապես ցերեկային ժամերին, կտրուկ կնվազի՝ 10-12 աստիճանով, իսկ Լոռու, Տավուշի և Սյունիքի մարզերում կնկատվի 11-13 աստիճանով նվազում։

Երևանում մարտի 19-22-ը կանխատեսվում են անձրևներ, հնարավոր է նաև ամպրոպ։ Մարտի 23-ին տեղումներ չեն սպասվում։ Մայրաքաղաքում մարտի 19-ի ցերեկը կլինի մինչև 12-14 աստիճան, իսկ երեկոյան կնվազի՝ հասնելով +8...+10 աստիճանի։