Վրացական ընդդիմությունը լայնամասշտաբ ցույց է անցկացրել Ազգային մարզադաշտում, որին մասնակցում էին ընդդիմության առնվազն 60 հազար կողմնակիցներ: Այդ մասին PanARMENIAN.Net-ի թղթակցին հայտնել է Զարգացման եւ համագործակցության կենտրոնի նախպագծերի ղեկավար, վրացի փորձագետ Պաատա Զաքարեշվիլին: «Ցույցից հետո ընդդիմության ներկայացուցիչները հավաքվեցին Վրաստանի Պատրիարքարանի նստավայրի մոտ: Ընդդիմադիրները ցանկանում են Պատրիարքից խորհուրդ լսել եւ իմանալ նրա դիրքորոշումը»,- հաղորդել է վրացի քաղաքագետը: Պաատա Զաքարեշվիլիի խոսքով, ներկայումս իրադրությունը Թբիլիսիում միանգամայն կառավարելի է, իշխանությունների կողմից ոչ մի սադրանքներ չեն նկատվում: «Հուսով եմ, որ դեռեւս հնարավորություն կա երկխոսություն հաստատելու ընդդիմության եւ կառավարության միջեւ: Ընդդիմության ղեկավարներն այժմ դիտարկում են ոչ միայն մայրաքաղաքում, այլեւ երկրի շրջաններում ցույցեր անցկացնելու հարցը: