Հայաստանի ֆուտբոլի ազգային հավաքականի պաշտպան Նաիր Տիկնիզյանը մայիսի 21–ին մասնակցել է Մոսկվայի «Լոկոմոտիվի» գլխավոր կազմի մարզումներին, որոնց լուսանկարները տեղադրված են ակումբի տելեգրամյան ալիքում, հայտնում է Aysor.am-ը։

Ավելի վաղ Տիկնիզյանը հայտարարել էր, որ մտադիր է հեռանալ Մոսկվայի «Լոկոմոտիվից»։ Նա դժգոհ է խաղաժամանակից և մրցաշրջանի ավարտից հետո պատրաստվում է դիմել ղեկավարությանը՝ «խնդրելով թույլ տալ հեռանալ թիմից»։

«Լոկոմոտիվի» տնօրենների խորհրդի անդամ Վալերի Ֆիլատովը հայտարարել է, որ «նորմալ է վերաբերվում Թիկնիզյանի հայտարարությանը, և ակումբը չի պատրաստվում նրան հեռացնել մարզումներից»։

2025–ին Տիկնիզյանը միայն մեկ անգամ էր 90 րոպե անցկացրել խաղադաշտում՝ մարտի 7–ին Ռուսաստանի առաջնության շրջանակում «Ախմատի» հետ խաղում։

Տիկնիզյանը «Լոկոմոտիվ» է տեղափոխվել 2021–ի ամռանը՝ 5․5 մլն եվրոյով։ Նրա պայմանագիրն ուժի մեջ է մինչև 2026–ի հունիսի ավարտը։ Ընթացիկ խաղաշրջանում նա ակումբի կազմում բոլոր մրցաշարերում 2 գոլի հեղինակ է դարձել և 4 գոլային փոխանցման։