Հայաստանի Պաշտպանության նախարար Սեյրան Օհանյանն այցելել է Կենտրոնական հավաքակայան, որտեղ հանդիպել է զինակոչիկների, նրանց հարազատների հետ եւ ծանոթացել է ժամկետային զինծառայողների զորակոչի գործընթացին: Առաջին հերթին, պաշտպանության նախարարը զրուցել է զինակոչիկների հարազատների հետ եւ հենց տեղում լուծել է մի քանի խնդիրներ, որոնք արտահայտվել են նրանց խնդրանքներում: Այնուհետեւ նա զրուցել է զինակոչիկների հետ, հետաքրքրվել է նրանց բարոյական դրությամբ եւ հետաքրքրություններով: Միայն դրանից հետո Սեյրան Օհանյանը ծանոթացել է հենց հավաքակայանի աշխատանքի ընթացքին:

Կենտրոնական հավաքակայան կատարած այդ այցելությունը ՀՀ ՊՆ ղեկավարը նվիրել է Երեխաների պաշտպանության միջազգային օրվան: «Բնակչությունը պետք է իմանա, որ սկսած հավաքակայանից, իրենց երեխաների համար ծնողական պատասխանատվությունը որոշ չափով դրվում է մեզ` զինվորականներիս վրա»,- ասել է Օհանյանը:

Պատասխանելով լրագրողների հարցերին բանակի համալրման մասին` նախարարը նշել է, որ ոչ այժմ, ոչ հաջորդ տարի զինակոչիկների քանակի հետ կապված պնդիր չի լինի: