Հայաստանի Ազգային անվտանգության խորհրդի քարտուղար Արթուր Բաղդասարյանը հունիսի 2-ին ընդունել է Հայաստանում Նիդերլանդների Թագավորության արտակարգ եւ լիազոր դեսպան Օննո Էլդերենբոշին մեր երկրում իր առաքելությունն ավարտելու կապակցությամբ: Զրուցակիցները դրական են գնահատել հայ-նիդերլանդական համագործակցությունը:


Արթուր Բաղդասարյանը հույս է հայտնել, որ Հայաստանում Նիդերլանդների Թագավորության նոր դեսպանի հետ համագործակցությունը եւս նույնքան արդյունավետ կլինի, հաղորդում է Ազգային անվտանգության խորհրդի մամուլի գրասենյակը: