Softline ընկերությունը Ռոսբանկի հետ համատեղ օգտվողներին առաջարկում է ծրագրային ապահովությունը ձեռք բերել հատուկ պայմաններով ձեւակերպված վարկով: Վճարի հետաձգման լիցենզիոն ծրագրերը ստանալ կարող են փոքր եւ միջին բիզնեսի ձեռնարկությունները, որոնք գրանցված են եւ կոմերցիոն գործունեություն են իրականացնում Ռուսաստանի տարածքում:

Սակայն, Հայաստանում դեռեւս լիցենզիոն ծրագրերի գնման համար վարկեր չեն տրամադրում: Ինչպես PanARENIAN.Net-ի թղթակցին հաղորդել է Հայաստանում Softline-ի մասնաճյուղի տնօրեն Արմեն Կարապետյանը, Հայաստանում այդ համակարգի ներդրման համար բանակցություններ են վարում երկրի առաջատար բանկերի հետ: «Այդ բանակցությունների առաջին արդյունքները մենք հույս ունենք ստանալու այս տարվա վերջին»,- ասել է Կարապետյանը:

Սակայն, ինչպես ընդգծել է Կարապետյանը, Softline ընկերությունը հիմա արդեն իր գնողներին առաջարկում է պայմանագրում նախապես համաձայնեցված պայմաններով ապառիկ վճարել: