Միավորված ազգերի կազմակերպությունը հունիսի 24-26-ին աշխարհի առաջնորդների եռօրյա գագաթնաժողով է գումարում գլոբալ տնտեսական անկումը գնահատելու նպատակով: Գագաթնաժողովի նպատակն է որոշել արձագանքման արտակարգ ու երկարատեւ միջոցները` մեղմելու համար ճգնաժամի ազդեցությունը, հատկապես բնակչության անպաշտպան շերտերի համար, եւ երկխոսություն սկսել միջազգային ֆինանսական կառույցի բարեփոխման վերաբերյալ`հաշվի առնելով բոլոր անդամ պետությունների կարիքներն ու շահերը:

Գլխավոր վեհաժողովի գագաթնաժողովը հունսին կանցկացվի ֆինանսական զարգացման վերաբերյալ միջազգային կոնֆերանսի որոշմամբ, որը տեղի է ունեցել 2008թ. դեկտեմբերին Դոհայում: «Մենք պատմական շանս ունենք, եւ կոլեկտիվ պատասխանատվություն ենք կրում` կայունացնել եւ հաստատուն դարձնել համաշխարհային ֆինանսատնտեսական կարգը»,-ասել է ՄԱԿ-ի ԳՎ 63-րդ նստաշրջանի նախագահ Միգել դ'Էսկոտո Բրոքմանը: