Օրերս Հռոմում իր աշխատանքն ավարտեց հոգեւոր առաջնորդների չորրորդ գագաթաժողովը` նվիրված G8 առաջիկա հանդիպմանը: Ինչպես PanARMENIAN.Net-ին հաղորդել են Մեծ Տանն Կիլիկիո Կաթողիկոսարանի մամլո ծառայությունից, գագաթաժողովի աշխատանքին մասնակցել է Եկեղեցիների Համաշխարհային Խորհրդի նախագահ, Մեծ Տանն Կիլիկիո Կաթողիկոս Արամ I-ը: Գագաթաժողովի մասնակիցները հանդես եկան համատեղ հայտարարությամբ, որում նշվում է գոյություն ունեցող խնդիրների համակարգված լուծման եւ խաղաղության ու անվտանգության ապահովման անհրաժեշտությունը: Հայտարարությունը փոխանցվել է Իտալիայի կառավարության պաշտոնական ներկայացուցչին, որը հետո այն կներկայացնի G8 բոլոր առաջնորդներին: Գագաթաժողովի շրջանակներում Արամ I-ը հանդիպել է զանազան կրոնական դավանանքների ներկայացուցիչների հետ: