Երեւան է ժամանել ռուսական ռոքի լեգենդ, «Մաշինա վրեմենի» խմբի առաջատար Անդրեյ Մակարեւիչը: Այսօր նա ուղեւորվել է Սաղմոսավանք վանքային համալիր, որտեղ ծանոթացել է համալիրի պատմությանը: Դրանից հետո երաժիշտն այցելել է Երեւանի կոնյակի գործարան, որտեղ ստորագրել է Աշխարհի տակառի վրա:

Երեկոյան «Կիլիկիա» առագաստանավի վրա, որն այժմ կանգնած է Երեւանի կենտրոնում` Հնագույն ձեռագրերի ինստիտուտ Մատենադարանի մոտ, կկայանա Մակարեւիչի մամլո ասուլիսը, որից հետո փոքրիկ համերգ տեղի կունենա: Անդրեյ Մակարեւիչի` Հայաստանի մայրաքաղաք կատարած այցի նպատակն է` օժանդակել «Այաս» Ծովային հետազոտությունների կենտրոնի իր ընկերներին: