Թուրքիան ցանկանում է բանակցել Կիպրոսի վերամիավորման շուրջ եւ հուսով է, որ բանակցություններն արագ կավարտվեն: Այդ մասին հայտարարել է Թուրքիայի նախագահ Աբդուլլահ Գյուլը Հյուսիսային Կիպրոսի չճանաչված հանրապետության նախագահ Մեհմեդ Ալի Թալաաթի հետ համատեղ մամլո ասուլիսում: Գյուլը նշել է նաեւ, որ Թուրքիան ցանկանում է, որ հանրաքվեն կայանա մինչեւ տարեվերջ: Թալաաթն իր հերթին հավելել է, որ որոշ ոլորտներում արդեն կա առաջընթաց Կիպրոսի հույների հետ բանակցություններում` նշելով, որ չնայած դրան, կողմերի համար դժվար է համաձայնության գալ որոշ հարցերի վերաբերյալ: