Հայաստանի էկոնոմիկայի նախարարությունը պաշտոնապես հերքել է ադրբեջանցի հակերների կողմից կայքի ջարդման մասին տեղեկությունը:

Օգոստոսի 13-ին «Արմատ» ակումբում լրագրողների հետ հանդիպման ժամանակ «Smart Systems» ընկերության նախագահ Ստեփան Ասլանյանը հայտարարել էր, որոշ պետական էլեկտրոնային կայքերի թվում նաեւ ՀՀ էկոնոմիկայի նախարարության էլեկտրոնային կայքը ուրբաթ օրվանից ջարդվել է ադրբեջանցի հակերների կողմից եւ մինչ օրս չի վերականգնվել:

Նախարարության պաշտոնական հայտարարության մեջ, մասնավորպես նշվում է . «Հայտնում ենք, որ ՀՀ էկոնոմիկայի նախարարության էլեկտրոնային կայքը հակերնե
րի կողմից, այդ թվում ադրբեջանցի, չի ենթարկվել հարձակման եւ չի ջարդվել: Կայքում տեղադրված նյութերը որեւէ փոփոխության չեն ենթարկվել»:

Հերքման մեջ նշվում է, որ www.mineconomy.am կայքը մոտ 2 ժամ հասանելի չի եղել օգոստոսի 14-ին` որոշակի տեխնիկական թերությունների հետեւանքով, որոնք կարճ ժամկետում շտկվել են նախարարության մասնագետների կողմից:

Նշված թերությունները, սակայն, ինչպես նշվում է նախարարության հաղորդման մեջ, որեւէ բացասական ազդեցություն չէին կարող ունենալ կայքի այցելուների վրա:

Նախարարության էլեկտրոնային կայքը շարունակում է անխափան գործել: