Թուրքիան «աննախադեպ բարեփոխումներ» է սկսել եվրոինտեգրման գործընթացում եւ ԵՄ-ին կոչ է անում կատարել Թուրքիան եվրոպական ընտանիք ներառելու մասին իր խոստումները: Այդ մասին հայտնել է Թուրքիայի արտգործնախարար Ահմետ Դավութօղլուն իր բրիտանացի գործընկեր Դեւիդ Միլլիբանդի հետ հանդիպմանը: Թուրքիայի ԱԳ նախարարի խոսքով, ԵՄ պետք է ճնշում գործադրի Կիպրոսի հույների վրա եւ նրանցից պահանջի կառուցողական մոտեցում դրսեւորել բանակցություններում, գրում է թուրքական Hurriyet Daily News թերթը: