Ողջ կրթական ոլորտը չի կարելի մրցունակ համարել, բայց չի կարելի ասել, որ մրցակցություն ընդհանրապես չկա: Այդ մասին այսօր Երեւանում կայացած մամլո ասուլիսին հայտնել է Հայաստանի կրթության եւ գիտության նախարար Արմեն Աշոտյանը: Նրա խոսքով, Հայաստանում սովորող 74 հազար ուսանողներից 6000-ը այլազգիներ են: «Ստացվում է, որ մենք գիտելիք ենք արտահանում»,- ասել է Արմեն Աշոտյանը:

Նա նաեւ հայտարարել է, որ մոտ ժամանակներս ծրագրվում է մի շարք միջոցառումներ անցկացնել, այդ թվում` միջազգային սիմպոզիում Ծաղկաձորում, որի կազմակերպիչը UNESCO-ն է ՄԱԿ-ի հետ համատեղ: