Երեւանը չպետք է տեսադաշտից բաց թողնի ղարաբաղյան գործընթացը
Համաշխարհային լրատվամիջոցները «ուղեղային հարձակման» են անցել հայ-թուրքական հարաբերությունների շուրջ, եւ այդ պայմաններում ղարաբաղյան հիմնախնդիրը դուրս է մնացել օրակարգից: Այդ մասին այսօր Երեւանում կայացած մամլո ասուլիսին հայտնել է քաղաքագետ Լեւոն Շիրինյանը: «Հայ-թուրքական հարաբերությունների կարգավորման գործընթացին զուգահեռ Երեւանը չպետք է տեսադաշտից բաց թողնի ղարաբաղյան գործընթացը, որը Հայաստանի արտաքին քաղաքականության առաջնային ուղղություններից մեկն է»,- նշել է քաղաքագետը: Նա նաեւ ավելացրել է, որ հայկական կողմն ավելի լավ է դադարեցնի բանակցային գործընթացը, եթե Բաքուն վերադառնա նախկին ռազմական հռետորությանը:
Գլոբալիզացման եւ տարածաշրջանային համագործակցության վերլուծական կենտրոնի ղեկավար Ստեփան Գրիգորյանն իր հերթին կարծիք է հայտնել, որ չնայած այն բանին, որ հայ-թուրքական հարաբերությունների կարգավորման մասին Արձանագրություններում բառացիորեն չի խոսվում ղարաբաղյան հակամարտության մասին, այնուամենայնիվ, Թուրքիան փորձելու է ակտիվացնել իր քայլերն այդ գործընթացում: «Եթե թուրքական կողմը փորձի ղարաբաղյան հիմնահարցը որպես նախապայման առաջադրել, ապա Երեւանը կարող է հայտարարել Անկարայի հետ բանակցային գործընթացի դադարեցման մասին»,- հայտնել է քաղաքագետը:
Գլոբալիզացման եւ տարածաշրջանային համագործակցության վերլուծական կենտրոնի ղեկավար Ստեփան Գրիգորյանն իր հերթին կարծիք է հայտնել, որ չնայած այն բանին, որ հայ-թուրքական հարաբերությունների կարգավորման մասին Արձանագրություններում բառացիորեն չի խոսվում ղարաբաղյան հակամարտության մասին, այնուամենայնիվ, Թուրքիան փորձելու է ակտիվացնել իր քայլերն այդ գործընթացում: «Եթե թուրքական կողմը փորձի ղարաբաղյան հիմնահարցը որպես նախապայման առաջադրել, ապա Երեւանը կարող է հայտարարել Անկարայի հետ բանակցային գործընթացի դադարեցման մասին»,- հայտնել է քաղաքագետը:
