28 սեպտեմբերի 2009 - 14:13 AMT
Ադրբեջանը դեմ է հայ-թուրքական սահմանի բացմանը
Ադրբեջանը դեմ է հայ-թուրքական սահմանի բացմանը` առանց Ղարաբաղի խնդրի լուծմանը: Այդ մասին հայտարարել է Ադրբեջանի փոխարտգործնախարար, Դիվանագիտական ակադեմիայի ռեկտոր Հաֆիզ Փաշաեւը: Նա հույս է հայտնել, որ Թուրքիայի առաջնորդները կկատարեն Ադրբեջանին տված խոստումը եւ չեն բացի սահմանը, առանց հաշվի առնելու Ադրբեջանի շահերը:

«Ցանկացած այլ միակողմանի որոշում հայ-թուրքական սահմանի բացման հարցում, կարող է հանգեցնել հարաբերությունների վատթարացմանը Թուրքիայի եւ Ադրբեջանի միջեւ: Ես կարծում եմ, որ Թուրքիայի կառավարությունն ու խորհրդարանը պետք է հաշվի առնեն այս գործոնը նման որոշումներ կայացնելուց առաջ»,-ասել է Փաշաեւը, հաղորդում է Ադրբեջանի հանրային հեռուստատեսությունը (ԱՀՀ):