Հայաստանի նախագահ Սերժ Սարգսյանըցավակցական ուղերձ է հղել անվանի բարերԳեւորգ Հովնանյանի մահվան կապակցությամբ, հաղորդում է ՀՀ ղեկավարի մամլո ծառայությունը: «Ցավով տեղեկացա անվանի բարերարԳեւորգ Հովնանյանի մահվան մասին: Նա մեկն էր այն երախտավորներից, ով արժանապատվությամբ շարունակում էր հայ բարեգործության ու մեկենասության լավագույն ավանդույթները: Նրա մահով մեր ժողովուրդը կորցրեց իր արժանավոր զավակներից մեկին, իսկ մեր պետությունը` հայրենասեր ու պատրաստակամ զորակցի»,- ասվում է պետության ղեկավարի ուղերձում: