Թուրքիայի խորհրդարանը կքննարկի Հայ-թուրքական արձանագրությունները հոկտեմբերի 21-ին, հայտարարել է Թուրքիայի փոխվարչապետ Ջեմիլ Չիչեկը` հավելելով, որ կառավարությունը հոկտեմբերի 10-ին Ցյուրիխում ստորագրված Արձանագրությունները խորհրդարանի քննարկմանը կներկայացնի հաջորդ շաբաթ: Հոկտեմբերի 21-ին խորհրդարանում ելույթ կունենա նաեւ Թուրքիայի ԱԳ նախարար Ահմեդ Դավուդօղլուն, որը մանրամասն կծանոթացնի խորհրդարանականներին արձանագրությունների բովանդակության հետ:

Միեւնույն ժամանակ Ջ.Չիչեկը նշել է Թուրքիայի ու Ադրբեջանի եղբայրական հարաբերությունները: «Դրանք ուղղակի ընդհանուր շահերի վրա հիմնված հարաբերություններ չեն: Թուրքիայի համար Ադրբեջանի հետ բարեկամությունից առավել կարեւոր բան չկա»,-ասել է Թուրքիայի փոխվարչապետը: