1892թ. հոկտեմբերի 28-ին Փարիզում կախարդ Էմիլ Ռեյնոն հանդիսատեսներին հրավիրեց նոր, մինչ այդ անտես մի տեսարանի` «օպտիկական թատրոն»: Այնտեղ տաղանդավոր հայտնագործողն առաջին անգամ հրապարակավ ցուցադրեց իր սարքը` պրաքսինոսկոպը, որը շարժվող նկարներ էր ցույց տալիս: Հենց այդ օրն է այժմ համարվում անիմացիոն կինոյի դարաշրջանի սկիզբը:

Անիմացիայի միջազգային օրը հինգ տարի առաջ սահմանվել է Անիմացիոն կինոյի Միջազգային Ընկերակցության ASIFA-ի (The International Animated Film Association) կողմից եւ այժմ տոնվում է ողջ աշխարհում:

Տոնի նախաշեմին ամբողջ աշխարհի անիմատորները փոխանակվում են իրենց ֆիլմերի ծրագրերով եւ պրեմիերային ու The best ցուցադրություններ են կազմակերպում հանրության համար: Այժմ մուլտֆիլմերի նման սեանսները միաժամանակ տեղի են ունենում աշխարհի 104 երկրներում: