Հայաստանի շախմատի կանանց հավաքականը Եվրոպայի թիմային առաջնության 6-րդ տուրում ոչ ոքի է խաղացել Ֆրանսիայի հավաքականի հետ: Այս խաղում բոլոր պարտիաներն արդյունավետ ելք ունեցան:

Հայաստանից հաղթեցին Լիլիթ Գալոյանը եւ Լիլիթ Մկրտչյանը, իսկ Ֆրանսիայից` Մարի Սեբան եւ Պաուլին Գիշարը:

Վեցերորդ տուրից հետո Հայաստանի հավաքականը 8 միավոր է հավաքել եւ մրցաշարային աղյուսակում 3-ից իջել է 6-րդ տեղը: Իսկ մրցաշարում կրկին երկիշխանություն է հաստատվել` մրցաշարի առաջատար Վրաստանի հավաքականին միացել է ՌԴ-ի թիմը, որը հաղթել է Ուկրաինայի հավաքականին 3:1 հաշվով: Երկու հավաքականները 10-ական միավոր են վաստակել: 9 միավորով լավագույն եռյակը եզրափակում է Ադրբեջանի թիմը:

7-րդ տուրում հայ շախմատիստուհիները ուժերը կչափեն 4-րդ հորիզոնականում գտնվող Ռումինիայի հավաքականի հետ, որը նույնպես 8 միավոր է վաստակել:

6-րդ տուր. Ֆրանսիա-Հայաստան-2:2

Մարի Սեբա-Էլինա Դանիելյան-1:0
Սոֆի Միլլե-Լիլիթ Մկրտչյան-0:1
Սիլվիա Կոյա-Լիլիթ Գալոյան-0:1
Պաուլին Գիշար-Սիրանուշ Անդրեասյան-1:0: