Թուրքիայի վարչապետ, Արդարության եւ զարգացման կուսակցության առաջնորդ Ռեջեփ Թաիփ Էրդողանը հայտարարել է, որ թուրք-ադրբեջանական լարվածության ֆոնի վրա երկու երկրների միջեւ գործող մուտքի արտոնագրերից հրաժարվելը սկզբունքային բնույթ է կրում: «Թուրքիայի կառավարությունը մտադիր է Ադրբեջանի հետ հարաբերությունները նախկին նորմալ հուն վերադարձնել` չեղյալ հայտարարելով վիզային ռեժիմն Ադրբեջանի հետ»,-ասել է Էրդողանը ԱԶԿ Կենտրոնական խորհրդի նիստում:

Վարչապետն ընդգծել է, որ վերջնականապես այդ հարցը կքննարկվի Ադրբեջանի ԱԳ նախարար Էլմար Մամեդյարովի Թուրքիա կատարելիք այցի ժամանակ: Ադրբեջանի հետ միասին, մուտքի արտոնագրերը չեղյալ կհայտարարվեն նաեւ Հորդանանի հետ, գրում է «Սաբահ» թերթը: