Հայ-թուրքական հարաբերությունների բարելավման գործընթացը եւ ղարաբաղյան հակամարտության կարգավորումը փոխկապակցված են: Այդ մասին Երեւանում կայացած մամլո ասուլիսում հայտարարել է Հայաստանի Ժողովրդավարական կուսակցության (ՀԺԿ) ղեկավար Արամ Սարգսյանը: «Այնպես է արվում, որպեսզի այդ գործընթացները զուգահեռ անցկացվեն, եւ ղարաբաղյան խնդիրը լուծվեր ի օգուտ Բաքվին», - ասել է նա:

Խոսելով Արձանագրությունների բովանդակության մասին, Արամ Սարգսյանն ասել է, որ այդ փաստաթղթերը չեն համապատասխանում ՀՀ Սահմանադրությանը, պարունակում են անգրագետ ձեւակերպումներ, եւ բնականաբար չեն կարող վավերացվել այդ տեսքով: «Ես չեմ բացառում, որ Արձանագրությունների վավերացումը կարող է պառակտել հայ ժողովուրդը: Բացի այդ դա սպառնում է Հայաստանի միջազգային հեղինակությանը, քանի որ մենք արդեն գրեթե նահանջում ենք Հայոց ցեղասպանության միջազգային ճանաչման գործընթացից», - ասել է Արամ Սարգսյանը: