Մեկնաբանելով ՀՀ Հանրային ծառայությունների կարգավորման հանձնաժողովի որոշումը, որի համաձայն 2010թ. հունվարի 1-ից մեծածախ ինտերնետի սակագնի առավելագույն չափը կկազմի ամսեկան 174 հազար դրամ` 1 Մբիտ/ վայրկ արագության դեպքում, Հայաստանում մեծածախ ինտերնետ տրամադրող երեք օպերատորներից մեկի` «ԱրմենՏել» ՓԲԸ-ի գլխավոր տնօրեն Իգոր Կլիմկոն հայտարարել է, որ նոր գները որոշ ժամանակ թույլ կտան ծածկել ընկերության ծախսերը, սակայն հանձնաժողովը հաշվի չի առել այն փաստը, որ բարձր տեխնոլոգիաների ոլորտի սարքավորումները շուտ են հնանում, դրանք մշտապես պետք է նորացվեն, ուստի կարեւոր է, որ ընկերությունների տրամադրած ծառայությունները արագ փոխհատուցվեն: