Բաքվում ԵԱՀԿ ՄԽ համանախագահներ Ռոբերտ Բրադտկեն (ԱՄՆ), Բեռնար Ֆասյեն (Ֆրանսիա), Յուրի Մերզլյակովը (Ռուսաստան) եւ ԵԱՀԿ գործող նախագահի հատուկ ներկայացուցիչ Անջեյ Կասպրշիկը հանդիպեցին Ադրբեջանի նախագահ Իլհամ Ալիեւի հետ:

Հանդիպմանը կարծիքների փոխանակություն եղավ Լեռնային Ղարաբաղի հակամարտության կարգավորման շուրջ բանակցությունների ներկայիս դրության եւ հեռանկարների վերաբերյալ:

Տարածաշրջան կատարած այս այցի շրջանակներում միջնորդները Հայաստան չեն այցելի: Պատճառն այն է, որ այդ ժամանակ Հայաստանի ղեկավարությունը բացակայելու է երկրից: Այցը Երեւան կկայանա ավելի ուշ, հաղորդում է ԱՊԱ-ն: