Երկուշաբթի` դեկտեմբերի 21-ին, ժամը 11.00-ին տեղի կունենաՀՀ Տնտեսական մրցակցության պաշտպանության պետական հանձնաժողովի հերթական նիստը, որի ընթացքում կքննարկվի դեղորայքի շուկայում բացահայտված հակամրցակցային համաձայնության փաստի վերաբերյալ հարցը, հաղորդում է ՀՀ ՏՄՊՊՀ-իմամլո ծառայությունը:

Հիշեցնենք, 2009 թ. սեպտեմբեր-նոյեմբեր ամիսների ընթացքում զանգվածային լրատվամիջոցների բազմաթիվ հրապարակումների, Հանձնաժողով ստացված դիմում-բողոքների, ինչպես նաեւ Հանձնաժողովի աշխատակազմի կողմից իրականացված դիտանցումների արդյունքում արձանագրվել են մի շարք դեղերի իրացման գների բարձրացումներ: Հանձնաժողովի մասնագետների նախնական գնահատմամբ, դրանք տեղի են ունեցել հակամրցակցային համաձայնության հետեւանքով` սիրտ- անոթային, շաքարային դիաբետի եւ հակավիրուսային խմբերի դեղերի շուկաներում: