ՀՀ իշխանությունները վախեցան մարտի 1-ի իրադարձությունների փաստահավաք խմբից, գտնում է «Ժառանգությունը»
Մարտի 1-ի իրադարձությունների փաստահավաք խումբը բվական լուրջ էր եւ «Ժառանգություն» կուսակցության ջանքերի շնորհիվ հավասարակշռված, հատկապես գործունեության նախնական փուլում` նախքան առաջին զեկույցի հրապարակումը: Այդ մասին այսօր Երեւանում կայացած մամլո ասուլիսում հայտնեց «Ժառանգություն» կուսակցության վարչության նախագահ Արմեն Մարտիրոսյանը: Նրա խոսքով, առաջին զեկույցը ներկայացնելուց հետո, երբ պարզ դարձավ, որ խումբը բավական լուրջ տեղեկատվությամբ է տնօրինում, իշխանությունները որոշեցին լուծարել այն: «Դրանով իսկ Հայաստանի իշխանությունները որոշեցին դադարեցնել անցանկալի փաստերի բացահայտումը»,- նշեց Արմեն Մարտիրոսյանը:
Ընդ որում, նա ասաց, որ ժամանակավոր խորհրդարանական հանձնաժողովն ի սկզբանե հավասարակշռված չէր: «Հանձնաժողովի միակ դրական կողմը նրա առաջարկներն էին այն առիթով, թե ինչպիսի քայլեր է պետք ձեռնարկել, որպեսզի մարտի 1-ի դեպքերը բացահայտվեն»,- ընդգծեց Մարտիրոսյանը` ավելացնելով, որ, ցավոք, խորհրդարանական մեծամասնությունը իր վերջին չորսօրյա նիստի ընթացքում այդ առաջարկների իրականացումը վերածեց իմիտացիայի ու այդ հարցի լուծումը հանձնարարեց պետաիրավական հարցերով մշտական հանձնաժողովին:
«Մարտի 1-ի էջը դեռեւս փակ չէ»,- նշեց Արմեն Մարտիրոսյանը` ավելացնելով, որ դեռեւս բացահայտված չեն այն իրադարձությունները, որոնց հետեւանքն են հանդիսանում մարտի 1-ի դեպքերը:
Ընդ որում, նա ասաց, որ ժամանակավոր խորհրդարանական հանձնաժողովն ի սկզբանե հավասարակշռված չէր: «Հանձնաժողովի միակ դրական կողմը նրա առաջարկներն էին այն առիթով, թե ինչպիսի քայլեր է պետք ձեռնարկել, որպեսզի մարտի 1-ի դեպքերը բացահայտվեն»,- ընդգծեց Մարտիրոսյանը` ավելացնելով, որ, ցավոք, խորհրդարանական մեծամասնությունը իր վերջին չորսօրյա նիստի ընթացքում այդ առաջարկների իրականացումը վերածեց իմիտացիայի ու այդ հարցի լուծումը հանձնարարեց պետաիրավական հարցերով մշտական հանձնաժողովին:
«Մարտի 1-ի էջը դեռեւս փակ չէ»,- նշեց Արմեն Մարտիրոսյանը` ավելացնելով, որ դեռեւս բացահայտված չեն այն իրադարձությունները, որոնց հետեւանքն են հանդիսանում մարտի 1-ի դեպքերը:
