Կյանքի 76-րդ տարում վախճանվել է հայտնի երաժիշտ եւ ՌԴ ժողովրդական արտիստ Գեորգի Գարանյանը: Ինչպես պատմել է սաքսոֆոնահարի այրի Նելլի Զակիրովան, հունվարի 11-ին առավոտյան ժամը 11-ին կանգ է առել Գարանյանի սիրտը, հաղորդում է ԻՏԱՐ-ՏԱՍՍ-ը:

Ողբերգությունը տեղի է ունեցել Կրասնոդարում, ուր երաժիշտն ժամանել էր հյուրախաղերի իր նվագախմբի հետ: Ինչպես հստակեցրել է նրա այրին, Գ.Գարանյանը պետք է ելույթներ ունենար հունվարի 15-ին եւ 16-ին հանրաճանաչ մաեստրո Միշել Լեգրանի հետ: