Շահումյանի հրապարակում հավաքված ցուցարարները շարժվեցին դեպի ՀՀ Սահմանադրական դատարան, որտեղ մտադիր են ՀՀ ՍԴ ներկայացուցչին հանձնել իրենց հայտարարությունը եւ իրավաբանորեն հիմնավորված եզրակացությունը, որում մատնանշվում է, որ ստորագրված հայ-թուրքական Արձանագրություններն իրենց մեջ Հայաստանի ազգային անվտանգությանն ուղղված սպառնալիք են կրում:
Ինչպես ցույցի ժամանակ հայտարարեց Հայաստանի ՀՅ Դաշնակցության Բարձրագույն մարմնի անդամ Հրայր Կարապետյանը, Հայաստանի Սահմանադրական դատարանի շենքի մոտ կսկսվի բողոքի նստացույցը` ընդհուպ մինչեւ ՀՀ ՍԴ վճռի կայացումը: