Սպիտակ տան վարչակազմը վստահ է, որ Թուրքիան ԱՄՆ-ի կարեւորագույն ռազմավարական գործընկերն է: Այդ մասին ճեպազրույցի ժամանակ հայտարարել է ԱՄՆ Ազգային անվտանգության խորհրդի պաշտոնական ներկայացուցիչ Մայք Համմերը` նշելով, որ 2010 թվականին հարաբերություններն էլ ավելի կսերտանան:
«Թուրքիայի հետ գործընկերության կարեւորությունը կապված է ոչ միայն ՆԱՏՕ-ին երկրի անդամակցության հետ, այլ նաեւ նրա հետ, որ Թուրքիան կարեւոր կապող օղակ է իսլամական աշխարհի հետ: Մենք մտադիր ենք խորացնել մեր համագործակցությունը փոխադարձ հետաքրքրություն ներկայացնող հարցերի շուրջ: Կան հարցեր, որոնց վերաբերյալ մենք համաձայնության ենք հասել, եւ` հակառակը: Սակայն, չնայած որոշ տարակարծությունների, ԱՄՆ-ն ու Թուրքիան միշտ գերազանց հարաբերություններ են ունեցել»,-ասել է Համմերը Բարաք Օբամայի նախագահության առաջին տարելիցին նվիրված ճեպազրույցում, գրում է Todays`s Zaman-ը:
