Եվրամիության 27 երկրների նախագահների եւ կառավարության ղեկավարների ոչ պաշտոնական գագաթնաժողովը, նվիրված սոցիալ-տնտեսական խնդիրների լուծմանը գլոբալ ճգնաժամային իրավիճակի պայմաններում, իր աշխատանքը կսկսի Բրյուսելում փետրվարի 11-ին:
ԵՄ ղեկավարների նիստը, որը գումարվել է Եվրոպայի Խորհրդի առաջին մշտական նախագահ բելգիացի Հերման վան Ռոմպեյի որոշմամբ, կանցնի «Սոլվեյ» քաղաքային գրադարանում, որը գտնվում է ԵՄ ղեկավար կառույցների կենտրոնակայանի հարեւանությամբ:
Ոչ պաշտոնական գագաթնաժողովի ընթացքում առաջնորդները կարծիքներ կփոխանակեն մինչեւ 2020թ. ԵՄ տնտեսական ռազմավարության տեսլականի վերաբերյալ:
Ակնկալվում է, որ նիստի ավարտին ԵՄ առաջնորդները կհանձնարարեն Եվրահանձնաժողովին մինչեւ գարուն կոնկրետ առաջարկություններ մշակել այդ ուղղությամբ:
Բացի ֆինանսատնտեսական եւ սոցիալական բնույթի հարցերից ԵՄ ղեկավարները կքննարկեն նոր գլոբալ իրավաբանորեն պարտավորեցնող պայմանագրի կնքման հետ կապված իրավիճակը, որը փոխարինելու կգա Կիոտի արձանագրությանը, ինչպես նաեւ Հաիթիին աջակցություն ցուցաբերելու եւ վերականգնման հարցերը, հաղորդում է «ՌԻԱ Նովոստի» գործակալությունը:
