Փետրվարի 13-ին <b>«ART-EXPO 2010»</b> ցուցահանդեսի փակման ժամանակ ամփոփվեցին արդյունքները, եւ տարբեր անվանակարգերում հայտարարվեցին լավագույն տաղավարները: Այսպես, լավագույն կազմակերպություն ճանաչվեց «Նարեկացի» արվեստների կենտրոնը, որը 2009 թ-ին կազմակերպել էր ամենատարբեր ժանրային միջոցառումներ: Ամենաինտերակտիվ կազմակերպություն ճանաչվեց Հովհաննես Թումանյանի տուն-թանգարանը: Հանդիսատեսի համակրանքի մրցանակին արժանացավ «Հայֆեստ» փառատոնի տաղավարը:
ՀՀ-ի մշակույթի նախարար Հասմիկ Պողոսյանը հավաստագրեր է հանձնել հաղթողներին:
Փետրվարի 12-ին Հայաստանի նկարիչների միությունում տեղի ունեցավ ամենամյա «ART-EXPO 2010» ցուցահանդեսը: Ավելի քան 50 մշակութային եւ հասարակական կազմակերպություններ ներկայացրեցին իրենց նվաճումները: