ԱՄՆ Ներկայացուցիչների պալատի արտաքին հարաբերությունների կոմիտեն 23 «կողմ» եւ 22 «դեմ» ձայներով ընդունեց Հայոց ցեղասպանության մասին 252 բանաձեւը: Պրոֆիլային կոմիտեում քվեարկությունից հետո բանաձեւը Ներկայացուցիչների պալատ կուղարկվի վերջնական քվեարկության համար:
Նույնպիսի ընթացակարգ է նախատեսված ԱՄՆ Սենատում:
ԱՄՆ Ներկայացուցիչների պալատի արտաքին հարաբերությունների կոմիտեն 2007 թվականի հոկտեմբերին 27 «կողմ» եւ 21 «դեմ» ձայներով ընդունեց Հայոց ցեղասպանության մասին 106-րդ բանաձեւը եւ այն ԱՄՆ Սահմանադրության համաձայն Ներկայացուցիչների պալատ ուղարկեց վերջնական քվեարկության համար: Բացելով նիստը` Հանձնաժողովի նախագահ Թոմ Լանտոսը կոնգրեսականներին կոչ արեց «խղճով քվեարկել»: