Մարտի 4-ին Ամերիկայի Հայկական գրադարանում եւ թանգարանում` (ALMA), տեղի կունենա ամենամյա ավանդական` Ընտանիքի օրը տոնակատարությունը: Այդ օրը միջոցառման մասնակիցներին ուրախ երեկո է սպասում, որի ընթացքում ներկայացվելու է հայկական պատմական եւ մշակութային ժառանգությունը:
Երեկոյի ընթացքում Բոստոնի հայտնի հեքիաթասաց Բիգ Ջոն երեխաներին հեքիաթ է պատմելու իր փայտե խաղալիքների մասնակցությամբ: Երեխաները նույնպես կարող են հայ հարսնացուների, հովիվների, երաժիշտների եւ ժողովրդական պարողների կերպարներ կերտել` ALMA-ի թատերականացված բեմականացման շրջանակներում: Այդ օրը նաեւ հայկական ժողովրդական պարերի ուսուցման դասեր կանցկացվեն:
Ընտանիքի օրն ամենամյա միջոցառում է, որի ընթացքում արտասահմանում ապրող հայերին հնարավորություն է տրվում հաճույք ստանալ հայկական պատմական եւ մշակութային ժառանգությունից:
