Երեւանի «Բանանցը» երկրորդ արտասահմանյան հավաքն է անցկացնում Անթալիայում: Ակումբի պաշտոնական կայքէջը հաղորդում է, որ թիմը մարզումներին զուգահեռ անցկացնում է նաեւ ստուգողական խաղեր:
«Բանանցի» մրցակիցը դանիական «Օրսենս»-ն էր, որը անցյալ տարի Դանիայի բարձրագույն լիգայում գրավել էր վերջին տեղը:
Առաջին 45 րոպեների ընթացքում հաջողությունը ժպտաց դանիական թիմին եւ նրանք բացեցին խաղի հաշիվը: Երկրորդ խաղակեսին երեւանյան ակումբը բաց թողեց հակառակորդի երկու ուժեղ հարվածները, որի արդյունքում էլ 0:3 հաշվով «Բանանցը» պարտվեց:
«Բանանցի» հերթական խաղը տեղի կունենա մարտի 10-ին: Նրա հակառակորդն է լինելու Կիրգիզիայի չեմպիոն «Դորդոյ-Դինամոն»: