Մարտի 8-ին, Կանանց օրվա առիթով Ամենայն Հայոց Կաթողիկոսը Գարեգին Բ Ծայրագույն Պատրիարքը շնորհավորական ուղերձ է հղել, որում ասված է.
«Մայր Աթոռ Սուրբ Էջմիածնից Հայրապետական Մեր օրհնությունն ու ջերմ շնորհավորանքներն ենք բերում բոլոր կանանց` մարտի 8-ի տոնի առիթով:
Մեր մաղթանքն է, որ ընտանեկան հարկից ներս — արդի ժամանակներում նա— պետական-հասարակական անդաստանում նշանակալի դերակատարություն ունեցող կանայք Աստծո օրհնությամբ արդար ու բարի արգասիքներով արդյունավորեն իրենց առաքելությունը, նոր ձեռքբերումներով — հաջողություններով զարդարեն իրենց, մեր Հայրենիքի ու ժողովրդի կյանքը:
Աղոթում ենք, որ Բարձրյալն Աստված իր Սուրբ Աջի հովանու ներքո պահպանի բոլոր տիկնանց — օրիորդաց, նրանց սրտերում միշտ զորավոր պահի հավատքն առ Աստված, անմնացորդ նվիրումի ու հավատարմության ոգին առ Հայրենին — ընտանիքը:
Երկնային շնորհներ, երջանիկ ու օրհնյալ կյանք Ձեզ, սիրելի մայրեր — քույրեր»: