Ապրիլի 8-ին Վիրահայոց թեմի առաջնորդ Տ. Վազգեն եպիսկոպոս Միրզախանյանի գլխավորությամբ Ախալցխայի Ծիրա գյուղում տեղի կունենա Սբ. Հրեշտակապետաց (Սբ. Գեւորգ) եկեղեցու վերաօծման արարողություն:
Եկեղեցու վերանորոգման աշխատանքները սկսվել էին դեռեւս 90-ական թվականերին, որի ընթացքում վերանորոգվել էր եկեղեցու տանիքը:
Ծիրա գյուղի բնակիչ Լեւոն Մաթեւոսյանի կազմակերպչական աշխատանքների շնորհիվ 2007 թվականի գարնանից Սբ. Հրեշտակապետաց (Սբ. Գեւորգ) եկեղեցու վերանորգման աշխատանքները նոր թափ ստացան: Ղազախստանում բնակվող գործարար Ալեքսանդր Մաթեւոսյանի նյութական օժանդակության շնորհիվ վերանորոգվել է եկեղեցու հատակը, ինչպես նաեւ բարեկարգվել եկեղեցու ներքին ու արտաքին տեսքը: