Ապրիլի 7-ին Աստվածածնի Ավետման տոնի կապակցությամբ եկեղեցիներում Պատարագ կմատուցվի
Ամեն տարի ապրիլի 7-ին Հայ Առաքելական Եկեղեցին նշում է Ս. Մարիամ Աստվածածնի Ավետման տոնը: Ամենայն Հայոց Գարեգին Բ Կաթողիկոսն այդ օրը հռչակել է որպես մայրերի և մայրության բերկրանքին սպասող կանանց օրհնության օր: Ապրիլի 7-ին` ժամը 10.30-ին, եկեղեցիներում կմատուցվի Ս. Պատարագ, որի ավարտին կկատարվի մայրության բերկրանքին սպասող կանանց օրհնության կարգ, տեղեկացնում է Մայր աթոռ Էջմիածնի տեղեկատվության համակարգը£
