Հայաստանի կառավարությունը հանդես է եկել Մեծ Հայրենական պատերազմի վետերաններին 800 մլն դրամի չափով "սառեցված" խորհրդային ներդրումները հատուցելու նախաձեռնությամբ, ապրիլի 6-ին լրագրողներին հայտնեց Հայաստանի ֆինանսների նախարար Տիգրան Դավթյանը:
Ինչպես հաղորդում է PanARMENIAN.Net-ի խորհրդարանական թղթակիցը, "2010 թվականի Հայաստանի պետբյուջեի մասին" օրենքում Հաղթանակի 65-ամյակի կապակցությամբ այս փոփոխությունը կառավարությունը ներկայացրել է խորհրդարանի քննարկմանը”:
Ֆինանսների նախարարի խոսքով, ՀՀ ԱԺ-ում ներմուծված փոփոխությունների հաստատումից հետո կառավարությունը պարտավորվում է արդեն մինչև մայիսի 9-ը ձեռնամուխ լինել վճարումների իրականացմանը, որը կշարունակվի ողջ 2010 թվականի ընթացքում:
"Սառեցված" խորհրդային ներդրումների հատուցումն առաջնահերթ կարգով կստանան 3,7 հազ. վետերաններ: